Moras Dermatophysis

1. Introdusaun

Micose/Ringworm ka dermathophytosis hanesan naran komun ne’ebé uza ba infeksaun fungu iha camada epiderme, fulun no kukun. Infeksaun fungu refere iha asu kausa husi Microsporum canis, Microsporum gypseum no Trichophyton mentagrophytes. Ringworm hanesan infesaun iha fulun tutun no estrato córneo husi fungos queratinofílicos (ceratofílicos). Moras kulit ne’e hanaran micose ka ringworm tamba uluk ema hanoin katak moras ne’e nia causa maka worm/verme/lumbriga no nia sinais hatudu ho inflamasaun iha superfisie kulit, bainhira husik de’it sei sirkula ba isin seluk no forma kabuar ka kadeli, no ho karatér zoonosis. Ringworm ne’ebé afeta husi Microsporum canis akontese ho 65% no referensia balun hatudu 90% maka afetadu iha asu no busa, no kazu ne’e bele akontese iha asu oan, busa oan, busa ne’ebé ho fulun naruk, no animal no sistema imuni la norma (immunocomprimised animals). Brooks, et al.,2013

2. Etiologia

Hanesan moras ida ne’ebe kauza husi fungu ho tipo ceratinofílico, fungu kausador ba moras refere inklui iha grupo Dermatophyta. Existe Genus haat, hanesan Trichophyton, Microsporum, Epidermophyton, Queratinomyces, maibe ida kausa moras ba animal maka hanesan Trichophyton no espécies Trichophyton verrucosum, T.mentagrophytes no T. megninii ho genu Microsporum.

Basikamente fungus klassifika ba base ho nia habitat, espésie atakada, lokalizasaun esporo iha fulum, fatin cresimentu no local desenvolve.(Goldsmith, et al., 2012)

3. Maneira Hada'et

Fungus refere bele da’et direita husi animal ne’ebé afetadu ho animal saudavél bainhira animal rua ne’e halo interasaun ba malu.

Moras ne’e bele hada’et mos ba ema bainhira sasan ka ekipamentus ne’ebé kontaminadu ona no lakuidadu bele afeta ba ema ne’ebé kaer direita. (Caderno técnico de veterinaria zoctécnia, Nº 71 - DEZEMBRO DE 2013)

4. Sinais Klinika

Sinais klinika ne’ebé dalabarak ita hasoru maka hanesan, isin mean ho forma kadeli ka kabuar dalabarak hetan iha tilun, oin no ain. Iha asu, sira nia isin kor iha mudansa, fulun monu, akompanha ho sarna no escamosa, asu balun nia kulit sei fera ka troka kulit iha parte kabun, ain no oin. Iha busa, sei la hetan sintómas lesões ka fulun balun monu. Animal ne’e sei tornam portadores no kausa problema iha kriasaun busa.

5. Diagnosa

Diagnosa bele hala’o liu husi, hare nia sinais klinika ne’ebéespesifiku, sinais klinika ne’ebé uza no sai diretrizes maka mudansa inin kulit hanesan kadeli no akompanha ho isin nakloke ka mahar, fulun ne’ebé monu ka kotu no mosu lesões kabuat no desenvolve lais. Bele mos liu husi microscopia ka ho naroman wood, bainhira fungu ne’e afetadu nia kor sei brilliante.

Bele mos halo diagnose uza teste nutriente. (Caderno técnico de veterinaria zoctécnia, Nº 71 - DEZEMBRO DE 2013)

6. Maneira Prevensaun

Maneira n ne’ebé usa atu prevene moras refere maka tenki kontrola animal nia sanitasaun, animal ne’ebé afetadu ona tenki halo isolasaun no hadook husi animal saudavél seluk, dalan seluk maka halo vasinasaun. (Caderno técnico de veterinaria zoctécnia, Nº 71 - DEZEMBRO DE 2013)

7. Tratamentu

Ai-moruk ne’ebé bele uza atu kura ka halo tramentu ba moras refere iha modelu rua, ida bele liu husi oral no ida kose direita ba fungu ne’ebé iha isin, hanesan, cetocanazol, itraconazol e miconazol via topica, ba moras ne’ebé kronika ona, bele uza ai-moruk ba moras sistemika,

microcrystallin griseofulvin. (Caderno técnico de veterinaria zoctécnia, Nº 71 - DEZEMBRO DE 2013)

Referensia