Lumbriga Moniezia Sp

1 Introdusaun

Moniezia sp maka lumbriga fita ida husi familia Anoplocephalidae no filu Platyhelminthes. Moniezia sp eziste espesie sira mak Moniezia benedini no Moniezia expansa. Dala barak bele lumbriga ida ne'e hetan iha intestinu ki’ik animal ruminansia nian ne’ebé mak ho idade sei kiik (Gosling, 2005). Moniezia sp baibain hetan iha animal  bibi no karau. Forma lumbriga M. benedini nia tolun bo’ot uituan kompara ho M. expansa nia tolun (Taylor, 2007). M. benedini nia diametru 75µm no M. expansa nia diametru 56-67µm (Ballweber, 2001). Deferensia entre espesie rua ne’e la’os hare'e de’it husi nia diametru maibe ne’e hare'e mós ba nia modelu tolun nian M. benedini nia modelu kuadradu no M. expansa nia modelu triangulu (Levine, 1990). 

2   Morfologia

Morfologia lumbriga Moniezia expansa ne’e mak hanesan iha ninia ulun hetan supador (sucker) hat atu belit maibe laka’it. Sucker nia diametru maiz ou menuz 0.5-0.75 µm, tuir husi proglotida ne’ebé kontinua habo’ot ho diametru 1cm nia tolun dezenvolve aan iha uteru proglotida nia ne’ebé sei fera depois ka antes proglotida hafahe. Nia tolun forma triangulu ho diametru 56-67 µm (Levine, 1994a).

Moniezia expansa iha modelu ida ne’ebé iha nia hasan tuda sai, nia estrutura elastika no kór mutin, Moniezia expansa adultu nia naruk 600 cm no nia belar 1-6 cm (Anonim, 2009a). Tuir Suwandi (2001) Moniezia expansa tama iha klase Cestoda (lumbriga fita) ne’ebé karakteristika isin ho segmentu, scolex, iha kakorok, proglotida (tolun iha embrio), hermaphrodite, reprodusaun ovipariu no dalaruma moris ho modelu larva, infesaun jerál husi larva iha kista nia laran ne’ebé moris iha intestinu ki’ik animal ruminansia nia.

3  Klasifiasaun sientifika Moniezia expansa (Rudolphi, 1810)

Klasifikasaun sientifika Moniezia expansa mak tuir mai ne’e:

Reinu                    :  Animalia

Fillu                      :  Platyhelminthes

Klase                    :  Cestoda

Ordem                  :  Cyclophyllidea

Familia                 :  Anoplocephalidae

Jenuru                  :  Moniezia

Espesie                 :  M. expansa

 

4 Epidemiolojia

Lumbriga fita Moniezia expansa  ne’e bele hetan iha karau vaka, bibi malae no bibi lokal nia fatin komun iha intestinu ki’ik kuaze iha mundu tomak hanesan. Nia tolun baibain forma triangulu no nia diametru 56-67 mikrometru. Lumbriga ida ne’e iha fileira amandel proglotida espasu forma haleu iha área bareira posterior husi kada proglotida. Parazita ida ne’e dala barak hetan iha du’ut matak sira mak tipu oin-oin husi parazita du’ut oribatid inklui jeneru ceratocetes, glumnae, ribatula, peloribates, pergalumna, protoscheloribates, shutovertex, no zygoribatula. Sistiserkoid hetan iha isin laran, maibe dala barak sira moris laliu husi fulan tolu fatin adultu ba lumbriga fita Moniezia expansa iha hospedeiru (bibi malae, bibi lokal, karau vaka, nst) nia fatin komun mak intestinu ki’ik (Levine, 1994b).

 

5  Siklu moris

Tuir Adiwinata no Sukarsih (1992) siklu moris Moniezia expansa hahu husi tolun ka proglotida sei sai ho animal nia feses no sei belit iha du’ut ne’ebé iha pastajen, tolun ne’ebé iha feses sei han husi parazita ho tipu Galumna no oribatid. Iha isin lolon parazita nian, tolun ne’ebé tolan husi HI, sistiserkoid sei muda aan sai ba L4. No karau, bibi malae, bibi lokal sei tolan parazita sira ne’e hamutuk ho du’ut no sei tama ba intestinu laran no sei to'o intestinu ki’ik animal nian no lumbriga ne’e sei sai bo’ot no sai adultu no sei belit ba mukoza intestinal animal nian. Tuir Anyaegbunam et all., (2013) Moniezia expansa maske uituan de’it maibe dala barak hetan iha Bibi lokal.

Lumbriga nia tolun ka proglotida sai hamutuk ho feses, proglotida bele tolan mós husi parazita ne’ebé bele hetan infesaun. Estadium infesaun (cysticercoid) bele habelar nia aan iha parazita Oribatidae (hospedeiru intermediariu) maiz ou menuz durante fulan hat nia laran. Hospedeiru definitivu hetan infesaun tamba han parazita hamutuk ho ai-horis no du’ut sira iha pastajen. Parazita ida ne’e iha periodu préparasaun durante loron 37- 40 nia laran.

Lumbriga adultu iha intestinu hospedeiru nia sei husik segmentu gravida ne’e depois sai hanesan pasivu hamutuk ho feses. Segmentu gravida iha feses sei habelar nia aan no kontamina ba du’ut iha pastajen sira ne’ebé animal sira moris ba. Karik iha fatin ne’e hetan hospedeiru intermediariu ne’ebé hanesan, tipu parazita rai nia (Oribatidae) no depois tolan segmentu gravida ne’ebé mak iha lumbriga Moniezia expansa nia tolun mak sei sai estadium larva (Cysticercoid) iha nia isin laran. Hospedeiru definitivu sei hetan infesaun karik nia han du’ut ne’ebé mak kontamina ona husi estadium Cysticercoid (Islam.1993).

6 Pathogenesis

Jeralmente bele hare'e ninia sinais klinika iha animal sira ne’ebé idade joven, bele mós akontese moras parazita iha animal sira ne’ebé adultu ona, maibe nia sinais klínika ba animal sira la dun klaru. To’o parazita ne’e rasik produz rezultadu metabolizmu, karik halo abortu bele fo impaktu ba moras sira seluk (Anonim, 2009a)

 

7   Sinais klínika

Sinais klinika ne'ebe sei hatudu maka animal sai fraku, malnutrisaun, kresimentu tarde, anemia, diareia, krekas no mosu konvulsaun. Diagnosa hare'e husi, karik iha proglotida ne’ebé iha feses laran. Hare'e ba segmentu balun ne’ebé tabele iha nia anus ka pedasuk husi segmentu lumbriga hamutuk ho feses no mós sinais klínika hatudu katak iha infesaun lumbriga Moniezia expansa ba bibi lokal. Karik la hetan lumbriga nia pedasuk maka dignosa ba lumbriga nia tolun ita sei halo liu husi ezaminsaun iha mikroskopiku (Subronto, 2004).

 

8 Diagnosa

    Parazita ne’e bele halo diagnosa liu husi ezistensia proglotida no segmentu gravida ka karakteristika lumbriga nia tolun iha feses laran (Anonim, 2013).

 

9  Prevensaun

    Maneira atu prevene lumbriga ida ne'e tama ba hospedeiru nia isin lolon mak hamós luhan, fornese hahan ne’ebé mós, atu nune’e labele hetan parazita ne’ebé bele lori lumbriga Moniezia expansa nia tolun tama ba hospedeiru nia isin lolon laran. Halo sanitasaun ba luhan atu nune’e Moniezia expansa nia tolun labele sai barak tan (Noble, 1989).     

    Hanesan prevensaun no eradikasaun hasoru lumbriga Moniezia expansa, evita husi asaun tratamentu ba animal ne’ebé moras, halo mós eradikasaun hasoru insetu (serangga) ne’ebé bele sai hospedeiru intermediariu ka vetor (Larsen, 2006).

 

10  Tratamentu no kontrola 

 Tratamentu no kontrolu bele utiliza aimoruk hirak tuir mai ne’e albendazole, oxfendazole 5 mg/kg todan isin nia, cambendazole 15-20 mg/kg todan isin nia, fenbendazole 5-10 mg/kg ka menbendazole 13.5 mg/kg todan isin nia (Maichimo, 2004).  Animal ki’ik sira, liu-liu ba bibi oan sira halo tratamentu ho anthelmentic hasoru lumbriga fita. Albendazole, fenbendazole, membendazole, oxfendazole, nst aimoruk sira ne’e long spektrum no material aktiva, ka taenicides espsifiku (niklosamida, praziquantel, nst) taenicides espesifiku mós uza iha misturasaun ho nematisida hanesan invermectin, levamisol, nst (Anonim, 2008b). Anthelmentic seluk ba balada klasiku hanesan lakton makrosiklik hansan (invermectin, doromectin, moxidekcin, nst), levamisol, tetrahydropymidines hanesan (pyrantel, morantel) no jerasaun piperazine la efetivu liu hasoru Moniezia ka lumbriga fita saida de’it (Kvasnicka, 1996).

BIBLIOGRAFIA

 

Adiwinata & Sukarsih. 1992. Kambing yang Terinfeksi Cacing Cestoda Saluran Pencernaan Secara Alami di Kab. Bogor (Kec. Cijeruk, Jasinga dan Rumpin). Penyakit Hewan 24 (43) : 13-16.

 

Anonim, (2008a). Life Cycle of Moniezia expansa. http://www. Pathobio. sdu. edu. cn/sds c/parasi teimages life cyle. html 07 Maret 2008.

 

Anonim, (2008b). Daun Pare untuk Obat Cacing Lambung pada kambing. Artikel Tabloid Sinar Tani. 21 April 2008.

 

Anonim, (2009a). Manual of Veterinary Investigation Laboratory Techniques. Part 7 Parasitology. Refbook 368 : 1-2 Ministry of agriculture, fisheries and food. Middlesex UK. Veterinary Clinical Parasitology. ed. Blackwell Publishing Company.

 

Anonim, (2009b). Analisis Kepuasan Peternak terhadap Pelayanan Kesehatan Hewan di Kabupaten Siak Propinsi Riau. IPB. Bogor

 

Anonim, 2013. Pathology and diagnosis of internal parasties in ruminant and food of small ruminant Proc. 350, Post Graduate Foundation in Vet.

 

Ballweber, L. R., 2001. Veterinary Parasitology. United States of America: Butterworth Heinemann.

 

Gosling, P. J. (2005). Dictionary of Parasitology. United States of America.: CRC Press.

 

Islam S. & Chakraborty A 1993. A survey of gastrointestinal parasitic infection in free-living rhinoceros of the Kaziranga National Park. Indian J An. Scie.63 (2): 155-156.

 

Kvasnicka, B. 1996. Parasite Control Strategies for Dairy Cattle in the 1990s. Hoechst-Roussel Agri-Vet Company

Levine, N. D., 1990. Buku Pelajaran Parasitologi Veteriner. Penerjemah: Ashadi G. Gajahmada University Press

 

Levine, N. D., (1994a). Parasitologi Veteriner. Diterjemahkan oleh Ashadi G. Dari Text book of Veterinary Parasitology. Genetic markers to distinguish Moniezia expansa from M. benedini (Cestoda: Anoplocephalidae) and evidence of the existence of cryptic species in Australia. Parasitology Research.

 

Levine, N. D., (1994b). Parasitologi Veteriner. Epidemiologi Parasit Cestoda Moniezia expansa (Diterjemahkan oleh G. Ashadi). Yogyakarta: Gajah Mada University Press.

 

Larsen M. Biological control of Cestoda Parasites in Goats 2006. J. Anim. Sci. 84 (E. Suppl.) E133-139.

 

Noble, E. R, G. A 1989. Parasitology Larvae The Biology of Animal Parasites. Philadelphia, London: Lea dan Febiger.Universitas Gent.

 

Maichimo, M.W, J.M. Kagira, and T. Walker. 2004. The Point Prevalence of Gastrointestinal Parasites in Calve, Sheep and Goats in Magadi division, South-western Kenya. The Onderstepoort J. Vet. Res. 71, lss; 257 – 261.

 

Subronto, 2004. Ilmu Penyakit Ternak II. Edisi II. Gadjah Mada University Press, Yogjakarta.

Suwandi. 2001. Ilmu Penyakit Cematoda. Fakultas Kedokteran Hewan. Universitas Airlangga. Surabaya.

 

Taylor, M. A., Coop, R. L., & Wall, R. L. (2007). Veterinary Parasitology Navarra, Spain (3ed.). Oxford: Blackwell Publishing rd