Moras Manu: Infectious Bronchitis

INFECTIOUS BRONCHITIS

 Infectious bronchitis hanesan moras virus ida ne’ebe afeta ba animal manu iha kualker idade, moras ne’e mos afetadu ba animal manu iha mundo tomak, virus IB laos afeta de’it ba sistema respiratorio maibe afeta mos sistema urogenital.Virus IB pinsipalmente kauza moras respirasaun ba manu ne’ebe afetadu tiha ona, no bele kauza diminuisaun ba produsaun manu nia tolun.

Etiologia

Moras infectious Bronchitis (IB) kauza husi gammacoronavirus infectious bronchitis, virus ne'e husi familia coronaviridae ne’ebe ataka iha  sistema respiratorio (Gordon & Jordan,1982; OIE, 2013b). Infectious bronchitis (IB), dahuluk identifika iha nasaun United states of America (USA), iha 1930 (OIE,2013)

Fontes Imajen 1. Estrutura e imagens eletromagnéticas microscópicas do vírus IB

Maneira Transmisaun

    Moras IB hada’et husi kontaktu direitamente entre manu ne’ebe moras ba manu ne'ebe saudavel. Kontaktu indireita bele akontese tuir material kontaminadu husi manu moras. Infesaun ba manu ne’ebe seidauk adultu kauza moras respiratorio kaman ne’ebe bele influensia kresimentu. Ba manu adultu moras IB la halo manu mate, maibe ba manu ne’ebe idade menus husi semana 6 bele halo manu mate (Gordon & Jordan 1982). 

Sinais klinika

    Sinais respiratorio hanesan dada is ladiak, fani, inus ben tun, lakrimasaun/matan ben sulin no dala ruma akompaña ho oin bubu (Gordon & Jordan 1982). Iha manu ne’ebe tolun (layer) sira nia produsaun manu tolun sei menus to’o 70%, manu tolun sei sai mihis, mamar no kulit kasar (rough), kulit/shells ne’ebe malahuk, tamaño ki’ik no manu tolun nia ben mutin/albumen ben liu (Browning 2014).

Fontes Imajen 2 . A e b) Forma IB de respirar, C) Pinguim de forma IB (digestão), D) forma de ovo anormal com magreza

Patologia

Patologia anatomia ne’ebe iha relasaun ho IB forma respirasaun hanesan iha Kanal respirasaun parte leten. IB ho forma rins sei  fo sinal ho defeito (kerusakan) rins tamba impaktu husi infesaun strain neprhrophatogenic. Manu nia rins ne’ebe hetan infesaun sei sai namkurut no abses (bubu), nia mino asido sei intupido, ba formasaun reprodusaun ne’ebe akontese ba manu layer, substansia iha manu tolun kinur cavidade isin lolon sei dezenvolve sai likido iha ovario nia laran. Manu oan fasil tebes hetan infesaun  no fo impaktu ba dezenvolvimentu cystic iha oviducto nia laran. IB ne’ebe mak nia forma  hanesan  penguin  hatudo katak  iha sistik oviduct ne’ebe bele kontem likido 1L liu ou parsia atrofico ne’ebe ho dilatasau sistik ne’ebe boot. Oviducto nia didin sai mihis no transparante iha area sistik. Ovarium sei sai normal no iha funsaun nafatin.

Fontes Imajen 3. A) IB forma respirando, a traquéia parece hiperemia e ptechiae, B) IB é nefropatogênico, os rins aparecem pálidos e aumentados, e o ácido úrico se acumula no ureter, C) IB forma reprodução, cistos aparecem no oviduto e gema de ovo na cavidade abdominal, D) IB forma proventrículo (pinguim), a cavidade abdominal é preenchida com fluido como resultado do cisto no oviduto.

Diagnosa

Virus ne’ebe kauza infectious bronchitis bele izola no inokula uza manu tolun espesifiku pathogen free (SPF) ka tissue culture. Orgaun ne’ebe bele uza atu hetan virus ba inokulasaun mak hanesan trachea, pulmaun, airsac no rins. Teste espesifiku seluk ne’ebe bele detekta serum anticorpu mak serum neutralization, haemagglutination inhibition, agar sel diffusion, ELISA, immunofluorescence no complement fixation test (Gordon & Jordan 1982).

Diagnosa diferensial

          Sintoma husi moras IB maioria atu hanesan ho moras sira tuir mai ne’e

-          Avian influenza

-          Infectious coryza

-          Infectious laryngotracheitis

-          Newcastle disease

Prevensaun

Sanitasaun hanesan fator ne’ebe bele termina siklu transmisaun moras tanba virus ne’e sensitivu ba desinfekta no manas. Asaun prevensaun ne’ebe bain-bain ema halo mak fó vasinasaun regularmente ho “Live & inactivated (oil adjuvanted) vaccine (Gordon & Jordan 1982).

Tratamentu

Ate agora seidauk hetan aimoruk ne’ebe mak atu kura ba moras ida ne’e. Asaun ne’ebe mak bain-bain ema hala’o atu manu nia kondisaun isin lolon diak lalais no aumenta ninia vontade han mak hanesan ema fo vitamina no mos mineral. No atu prevene infeksaun sekundaria ita bele fo Antibiotika.

Reference

 BROWNING, G. F (2014). Overview of Infectious Bronchitis in Poultry in The Merck Veterinary Manual

Gordon & Jordan (1982).Poultry Diseases,  Edition. Bailliere Tindal.

OIE (2013b). Avian Infectious Bronchitis in OIE Terrestrial Manual 2013 chapter 2.3.2