Infeksaun Anthraks

Saida Maka Antraks?

Antraks hanesan infesaun moras ne'ebe kauza husi bakteria Bacillus Anthracs. Moras ida ne'e bele hanesan moras zoonosis ka bele transimite ba ema liu husi animal ne'ebe maka hetan ona bakteria refere.

Alende ne'e iha mos variasaun sinais no sintomas ne'ebe bele mosu tanba kauza husi bakteria refere.

Sintomas ne'ebe hamosu husi moras refere bele hetan iha sistema digestivu, kulit, to sistema respirasaun.

Etiologia

Espora Anthrax produz husi bakteria Bacillus Anthracs ne'ebe eziste iha rai. Maske la ho ospedeiro, maibe espora ne'e bele moris no la ativu durante tinan balun. Komun liu animal ne'ebe sai Ospedeiro ne'ebe baibain sai fatin ba espora ne'ebe atu dezenvolve maka hanesan animal Bibi, karau ka kuda.No komun liu ema ne'ebe transmite moras refere komesa husi kulit ka naan husi animal ne'ebe hetan infeksaun.

Anthrax la transmite husi ema ida be ema seluk. Ho ida ne'e, ema ne'ebe halo kontaktu direita ho ema ne'ebe afetadu la presiza halo imunizasaun ka tratamento. Maibe, presiza tau atensaun bainhira iha fatin ne'ebe sai dessiminasaun moras anthrax ne'ebe hanesan ho sofredor, ka sai fonte ba infeksaun (animal domestiku no animal estimado) ne'ebe hanesan.

Bele lee mos: Gosta Han Naan!!! Presiza Kuidadu ho moras Antraks

Sintomas

Komun liu, depois de loron hitu  maka sofredor ne'ebe maka afeta ona bakteria refere hodi hatudu nia sinais. Maibe sinais foun sei mosu depois de semana balun depois de espora bakteria refere horon liu husi anin ne'ebe kontaminadu ona.

Sinais anthraks hafahe tuir maneira transmisaun hanesan:

Iha Kulit

Daet tanpa sofredo iha kanek iha isin. Kazu ida ne'e maka akontese dalabarak no kaman liu sira seluk. Kazu ida ne'e mos sei lahalo sofredor mate bainhira hetan tratamentu ne'ebe diak. Sinal ne'ebe maka baibain mosu maka hanesan, kafuak iha isin no katak hanesan insektu maka tata. Depois de katar, kafuak refere sei muda sai fali ulcera ne'ebe la moras no kor sai metan iha klaran. Bubu ida ne'e mos sei sai tasak besik kanek ne'ebe hetan infeksaun.

Anthraks Inhalasaun

Anthraks inhalasi transmite no dezenvolve bainhira sofredor horon espora anthrax. Tipu ida ne'e sai tipu ne'ebe risku liu. Sintomas dahuluk ne'ebe sei hatudu maka hanesan fani, isin manas, inflamasaun iha kakorok, ruin moras no kolen. Depois de mosu sentimentu la konfortavel ba hirus matan, iis sai badak, isin manas aas, susar dada iis, hakfodak, no akontese meningitis.

Anthraks Gastrointestinal

Bakteria anthrax tama ba isin lolon liu husi konsumu naan ne'ebe hetan ona kontaminasaun no bainhia tein la tasak. Sinais anthrax gastrointestinal maka laran sae no muta, moras iha parte kabun, ulun moras, laoha vontade atu han, isin manas, diarea grave ho feses ne'ebe kahur ho raan, inflamasaun iha kakorok no susar atu total hahan ka buat ruma no akompanha ho bubu iha kakorok.

Anthraks Injeksaun

Baibain bakteria ne'e tama ba isin liu husi injeksaun aimoruk ne'ebe bandu ona. Tipu ida hanesan maneira transmisaun ne'ebe foun no foin deskobre. Sei mosu sinal mean iha fatin hodi halo injeksaun, bubu ne'ebe makas, syok, falla iha multiplikasaun orgaun, no nia sintomas hanesan meningitis.

Diagnosa Antraks

Atu halo diagnosa ba anthrax, ezaminasaun dahuluk maka hadook possibilidade moras seluk ne'ebe maka iha sinais klinika hanesan, ezemplu moras gripe ka pneumonia ho sinais ne'ebe hanesan ho anthrax inhalasi. Depois de ida ne'e bele halao ezaminasaun kontinuadu hanesan:

• Ezaminasaun Patologia. Liquido husi kanek ne'ebe maka deskonfia hanesan sinais husi moras refere ka amostra tesido kulit iha area ne'ebe hetan infeksaun sei foti hodi halo teste.

• Ezaminasaun raan. Teste ida ne'e atu garante ezistensia bakteria refere iha sofredor nia isin.
  

• Fungsaun lombar (spinal tap). Amostra ne'ebe foti hanesan liquido husi kakutak ne'ebe iha area ruin costas husi sofredor nian atu halo teste kontinuado, funsaun atu halo konfirmasaun ba diagnosa ne'ebe kauza husi anthrax.

• Ezaminasaun Feses. Ezaminasaun ida ne'e halao atu garante diagnosa anthrax gastrointestinal.

• Digitalizasaun. Foto rontgen ka CT-scan hirus matan, halao ba sofredor ne'ebe maka deskonfia afeta ona anthrax inhalasi.

Tratamento Antraks

Tratamento anthrax maka bele uza antibiotika. Tipu antibiotika no durasaun konsumu antibiotika depende husi sintomas ne'ebe sofredor hatudu. Maibe komun liu, antibiotika ne'ebe baibain uza maka doksisiklin ka tipu kuinolon (hanesan, siprofloksasin no levofloksasin). Se akontese kondisaun susar atu dada iis ka syok, tratamento iha fatin terapia intensiva presiza halao.

Prevensaun Antraks

Atu halo prevensaun ba transmisaun anthrax, sira ne'ebe baibain halao servisu ho animal ka produto husi animal, tenki fase liman depois de halo servisu. Alende ne'e mos, durante servisu presiza uza ekipamentos protesaun pessoal ne'ebe kompletu hanesan masker, goggle (Oklu protesaun), Luvas no apron.

Referensia:

Mayoclinic.org. Asesu iha Marsu 2020