Jestaun Hakiak : Fase Hakiak Manu Layer

Manu domestika (Gallus gallus domesticus) hanesan aves ida ne’ebé baibain ema hakiak atu foti manu nia tolun no manu nia naan. Manu ne’ebé hakiak/domestiku nia origem husi espesie Gallus gallus ka manu bangkiwa (Bangkiva fowl). Klassifikasaun taxonomia husi espesie Gallus domestikus no klassifikas husi  El-Kabumaini dan Ranuatmaja ( 2008) hanesan tuir mai ne’e reino animalia, phylum chordata, classe aves, ordem galliformes, familia phasianidae, genus gallus, spesies gallus gallus.

Manu layer ne’ebé hakiak em jeral iha tipu rua, manu layer ho tolun kor mutin no manu layer ho tolun kor xokolate. Manu layer  ho tolun kor mutin ka famous liu ho manu tipu kiik oan, ne’ebé espesializado atu tolun, ho karatér isin magro/ramping, kor fulun mutin, baber kor mean, bele produz tolun mais ou menus 260 butir/biku/tinan. Manu ne’e origem husi galur puro white leghorn ne’ebé iha karatér sensitive ba klima ne’ebé ho temperatura manas no barullu, bainhira manu ne’e hakfodak no iha temperatura ne’ebé manas sei fo impaktu ba nia produsaun bele tun ho lalais. Manu layer ho tipu seluk maka tipu medium/naton, ho karatér isin ladun krekas no ladun bokur, nune’e hanaran manu refere ho tipu medium, produsaun tolun no produsaun naan bele ho kuantidade ne’ebé barak, nune’e hanaran mos ho manu tipu dwiguna, tamba manu refere nia fulun ho kor xokolate, nunee ema hanaran nia manu ho tolun kor xokolate, produsaun tolun mais ou menus 200 butir/biku/tahun, hanesan exemplo manu stain loghman (Imagen 1), ne’ebé ho kor xokolate (Sudarmono, 2003)

Manu layer hanesan manu ne’ebé ema hakiak ho objetivu atu produz tolun, manu layer  hanesan  manu  ne’ebé  produz  tolun ho produktidade  ne’ebé  aas no nia karakteristiku, fasil atu hakfodak, forma corpo delgado, produsaun tolun aas, no laiha  propriedades  de eklosaun (suprijatna et..al.,2008).

a.      Fase starter

 Fase starter hanesan fase manutensaun ba manu husi idade loron ida (DOC) to’o idade semana 6-8 , fase starter ita presija  presta atensaun ba preparasaun manutensaun no seleksaun manu oan. Habitasaun inklui  laluhan, brooder, temperatura no umidade, densidade ba luhan no litter, atu halo  prevensaun ba  moras  presija haree didiak para bele hili manu ne’ebé mak diak no baixa taxa mortalidade. Fase starter hanesan  fase ida ne’ebé importante tanba atu sustentabilidade ba fase sira tuir mai ne’e.

b.    Fase grower

Fase grower komesa iha tempu ne’ebé mak manu ho idade semana 6-14 no semana 14-20, manutensaun ba manu iha fase grower inklui habitasaun, alimentasaun, biku ho corte no prevensaun ba moras. Karakteristiku kresimentu manu nian iha fase grower tenke aumenta depois diminui, fase grower ba manu tenke guarda ba nia alimentus, sei kuandu alimentus ne’ebé ita fo barak liu entaun bele kauza ba manu halo manu bokur no sei fo impaktu ba produsan manu tolun sei menus.

c.   Fase finisher

Fase finisher koñesidu ho naran fase layer, fase ida  ne’ebé mak manu komesa produz tolun ona, sinais ne’ebé manu  hatudu wainhira atu tolun ita  bele haree liuhusi nia pente ne’ebé relativamente boot  no kor mean, matan nabilan los, kloaka aumenta no distansia ossos pubis 2-3 dedos ou mais, iha fator ne’ebé mak ita tenke haree no konsidera iha manutensaun ba fase finisher mak programa iluminasaun tanba bele afeta ba produsaun tolun. Luhan ba manu ne’ebé iha fase produz tolun baibain uza luhan bateria tanba luhan bateria iha vantagens barak. Vantagens ne’ebé iha mak hanesan : fasil atu kontrolu no prevene moras no fasilita ita iha prosesu seleksaun culling manu ne’ebé la produtivu ona.

REFÊNSIA

Anonymus, 2014, Pemilihan dan Penentuan Bibit Ayam Ras Pedaging. http://www.pustakadunia.com asesu iha 23 novembru 2018.

 

El-Kabumaini, N dan Ranuatmaja.T.S. 2008, Yuk, Beternak Ayam Pedaging dan Petelur. PT. Puri Pustaka, Bandung.

Sudarmono, A. S. 2003 Pedoman pemeliharaan Ayam Ras Petelur. Jakarta :

Penerbit Kanisius

Suprijatna, E., Umiyati Atmomarsono, Ruhyat Kartasudjana, 2008. Ilmu Dasar Ternak Unggas. Penebar Swadaya. Jakarta