Sistema Digestivu Animais Ruminansia

Ola!!!.... Belum Paramediku sira.., imi di'ak ka la'e? Espera imi hotu iha kondisaun ne'ebe di'ak😍, iha artigu ida ne'e, sei koalia liu konaba sistema digestivu ba animal ruminant,... espera bele ajuda kolega sira hotu💓🙏

Sistema Digestivu iha Animal Ruminansia

Digestivu hanesan prosesu mudansa fisiku no kimika ne'ebe prosesa hahan sira iha orgaun digestivu, ne'ebe hala'o husi mikrobio rumen. Mikrobia rumen hanesan substansia nutriente ne'ebe eziste iha hahan sira no sai kompostus ne'ebe simples, nune'e bele absorve husi isin no bele uza sai hanesan fonte energia atu forma kompostu-kompostu foun. Diferensa anatomia entre animal ruminansia no non ruminansia maka iha animal ruminant la eziste nehan barak iha maxila hanesan ho ne'ebe animal non ruminant iha. Mastigasaun hahan iha parte ibun ba animal ruminansia akontese relativamente lalais, em jeral hahan ne'ebe konsumu direita sei tolan no armajena (temporal) iha parte kabun (Kartadisastra 1997).

Substansia Nutriente ne'ebe iha feses ka depois digesta no halo absorve ne'ebe halo asumsaun hanesan digestibilidade (Tilman et al., 1998). Digestibilidade bele sai iha tamanho boot no kiik tamba efetividade uza hahan.  Arora (1995) deskreve katak nivel digestibilidade hanesan funsaun tempu digestivu no tempu ne'ebe prepara hahan atu digerida.

Bainhira hahan tama iha rumen, elementu nutrisaun hotu ne'ebe kontem iha hahan sei akontese transferensa, ne'ebe produz produto prontu atu digesta. Kada Elementu hotu ne'ebe kontem iha hahan sira ne'ebe konsumu ona sei digesta husi animal ruminansia iha oragaun digestivu (Kartadisastra, 1997).

Em jeral hahan ne'ebe konteudu nutrisaun aas sei iha digistibilidade ne'ebe aas mos (Suarti, 2001). Iha fator balun mos ne'ebe bele influensia digestibiliadade, maka temperatura, velosidade transferensia hahan iha orgaun digestivu, forma fisiku rasaun ingredientes, komposisaun ransumu, no potensia komparativa husi substansia hahan sira seluk (Anggorodi, 1994).

Tuir Sutardi (1980), prosesu digestivu hafahe ba tipu tolu tuir mudansa ne'ebe akontese ba ingrediente hahan iha orgaun digestivu, hanesan digestivu mekanika, digestivu hidrolika, no digestivu fermentasaun. Tilman et al., (1998) hateten katak hahan ne'ebe tama liu husi animal ruminansia nia ibun sei akontese prosesu mastigasaun ka koa ho mekanikamente nune'e forma bolus. Iha prosesu ida ne'e hahan sei mistura ho saliva no tama ba rumen laran liu husi esophagus. Tuir mai iha rumen laran hahan sei akontese prosesu digestivu fermentasaun.

Digestivu fermentativu ba ruminant akontese iha rumen nia laran (retikulo rumen) hanesan mudansa elementu balun sai elementu seluk, ne'ebe diferente tebes husi moleku substansia origem husi hahan. Rumen hanesan parte ida iha kabun ne'ebe oin liu ho kapasidade ne'ebe boot liu. Rumen funsiona hanesan fatin armajenamentu hahan ne'ebe atu konsumu iha tempu balun. Iha rumen nia laran hahan sira ne'e mistura ona ho saliva. Depois de tempu balun akomoda, hahan sira sei fo fila ba ibun atu natata fila fali, prosesu ida ne'e hanaran regurgitasaun. Mastigasaun fila fali hahan ne'ebe origem husi rumen baibain hala'o husi animal iha tempu deskansa no dala barak liu halo iha kondisaun toba (Nahe an) (Kartadisastra, 1997). Depois hahan sei tolan fila fali, digesta husi mikrobia rumen forma digesta suave no tama ba iha kanal digestivu no tuir mai sei akontese prosesu digestivu hidrolitiku (Fradson, 1993).

Prosesu Digestivu fermentasaun iha rumen nia laran akontese intensivamente. Iha rumen nia laran kontem millaun mikroorganismo uniselulare (bakteria no protozoa) ne'ebe halo mistura hahan ho bee sai hanesan nia media moris. Bakteria ne'e sei produz enzima digesta materia Friba bruta no proteina, ho halo sintetizasaun Vitamina B ne'ebe uza atu dezenvolve diak no forma selula foun. Selula ne'e maka ikus mai digerida hanesan proteina animal ne'ebe konesidu ho naran proteina mikroba (Kartadisastra, 1997).

Tuir Blakely no Bade (1994), tempu mikroorganismo servisu ba hahan iha kanal digestivu, maka sei produz produto seluk hanesan, asido amino ka volatile vatty acid (VFA). VFA absorve husi parede rumen liu husi protrusoes ne'ebe hanesan liman ne'ebe hanaran, vili; no bele produz energia.

Sutardi (1980) haktuir katak energia ne'ebe hasai liu husi gases metana (CH4) no fermentasaun manas, depois proteina ne'ebe ho valor aas sei akontese degradasaun sai NH3.
Prosesu digestivu prosesa hotu iha abomasu ne'ebe hanaran  mos estomago lolos, tamba nia funsaun uniku hanesan ho animal non ruminansia. Elementu-elementu oioin ne'ebe forma nutriente (amino acido, masinmidar, asido lipido, nst) ne'ebe produs liu husi prosesu servisu likidu estomago, eziste bakteria no protozoa ne'ebe absorve liu husi parede intestinal. Ingridientes ne'ebe labele digesta, sai liu husi secum no intestinu grossu depois hasae hanesan feses liu husi anus (Blakely dan Bade, 1994).