Kuidadu!! Manu mos bele lori moras ba ema

Gosta han naan manu, kuidadu tanpa naan manu ne'ebe la prosesa ho di'ak bele lori moras ba ema.

iha artigu tuir mai ne'e sei koalia konaba moras iha manu bele da'et ba ema.

1. Avian Influenza

Avian Influenza ka konesidu ho flu burung hanesan moras ida ne'ebe kauza husi virus influenza type A subtipe H5 no H7. H5N1 makaVirus ne'ebe ho tipu perigosu, ba ema tantu animal, bele transmite ho maneira halo kontaktu direita ho fezes ka likidu manu ne'ebe afetudu ona ho moras refere, bele liu husi anin ne'ebe kontaminadu ona ho virus refere, bele mos transmite bainhira hamos naan manu ne'ebe afetadu ona.

Virus ne'e so bele afeta iha animal no transmite ba ema, no raramente transmite ba ema.

Sintomas Avian Influenza hatudu variasaun sinal, dahuluk, komesa ho fani baibain, no ikus mai sai dada iis araska.

Bele lee mos: Gripes dos Aves (Avian Influenza)

2. Campylobacteriosis

Campylobacteriosis maka infeksaun bakteria ne'ebe bele transmite husi manu ba ema sei bainhira konsumu naan ka manu nia tolun ne'ebe kontamina ona. Infesaun bakteria refere bele mos da'et liu husi bee ka feses animal nian ne'ebe kontaminadu ona. Difisil atu halo prediksaun ba risku Campylobacteriosis iha manu, tamba mediamente manu ne'ebe afetadu sei lahatudu sinal ruma.

Bainhira individu ida maka kontamina ona ho moras refere sei mosu sinal hanesan, akontese diarea, kram, kabun moras, no isin manas entre loron 2-3 depois de afeta bakteria refere.

Campylobacteriosis mos inklui moras perigu ida hotu, tamba bele kauza infesaun seriu ne'ebe perigu ba ema nia vida, hanesan sindrom Guillain-Barre iha bebe, idade adulto/katuas, no sira ne'ebe maka iha sistema imunidade fraku.

3. Moras E. Coli

Escherichia coli (E.coli) maka bakteria ne'ebe baibain hetan iha ambiente, hahan, ema no animal nia intestinu, no manu nia intestinu. Maske E.coli balun ladun perigu maibe balun mos bele kauza moras. E.coli balun bele kauza diarea, balun mos bele kauza infesaun tratu urinariu, moras respiratoriu no pneumonia, no moras seluk tan. Tipu E.coli ne'ebe bele kauza moras ba ema bele liu husi bee ka hahan ne'ebe kontamina ona ka liu husi animal nia feses ne'ebe iha ona infesaun.

4. Salmonellosis

Moras seluk ne'ebe bele da'et husi manu ba ema maka Salmonellosis. Moras ne'ebe efeitu husi infesaun bakteria Salmonellosis ida ne'e bele hada'et ba ema liu husi hahan ne'ebe kontaminadu ona (Tolun no Naan) ka bele liu husi animal nia feses ne'ebe hetan ona infesaun.

Manu bele afeta Salmonella liu husi ambiente ka hahan ne'ebe nia konsumu. Bakteria Salmonella bele hetan iha animal nia foer no manu nia isin ne'ebe afetadu ona (fulun, ain, no pulmaun). Maske baibain bakteria ne'e perigu no kauza moras ba manu, maibe bakteria ne'e moras seriu ba ema.

Ida ne'e maka moras husi animal manu ne'ebe bele hada'et ba ema, ho nune'e hatoman aan fase liman ho sabaun bainhira halo kontaktu direita ho ita nia animal.

Referensia

Centers for Disease Control and Prevention. asesu iha 2019. Healthy Pets, Healthy People.