Moras Avian Encephalomyelitis

Olahh.....kolega sira!!!

Di'ak kolega sira iha artigu ida ne'e, sei iha kontinuasaun ho artigu anterior.

No parte ida ne'e ita sei koalia konaba Moras Viral ne'ebe afetadu iha Animal manu.

1.   Avian Encephalomyelitis (AE, Epidemic Tremos) 

• Introdusaun

Avian Encephalomyelitis (AE) hanesan moras viral akut ida ne'ebe afetadu ba manu oan, ne'ebe hatudu ho sinal ataksia, akontese tremor iha ulun ruin no kakorok ne'ebe akompanha ho isin bok aan ladiak (Kelumpuhan).  Moras AE komum liu afetadu ba manu oan ne'ebe ho idade semana ida ate semana haat, no ba Manu ne'ebe bele tolun ona bele fo afeta ba manu nia produsaun tolun entre 

5-20 %, bele dehan mos moras AE ne'e hada'et husi tolun maka 'Breeder' ne'ebe hetan moras refere.

•  Etilojia
  

Avian Encephalomyelitis kauza husi virus RNA husi familia Picornaviridae (Picorna Virus). Atu haree modelu husi Virus refere ita bele usa mikroskopiu elektron atu bele hare nia virion-virion ne'ebe ho forma heksagonal no kontem enveloped no iha diametro 24-32nm. Virus AE resiste ho kloroform, tripsin, asido nopepsin no DN ase.

• Maneira Hada'et

Virus AE bele hada'et liu husi maneira rua maka hanesan vertikal no Horizontal, tuir vertikal liu husi tolun, bainhira manu inan ne'ebe afetadu ho virus refere no haluut manu tolu ne'ebe la afetadu, ho ida ne'e haree bazeia ba sub klinika manu tolun ne'e sai hanesan fali media ba trasformador ba virus refere, bainhira manu tolun ne'e nakfera manu oan ne'e mos sei afeeta moras ne'e.

Tuir Horizontal manu oan ne'ebe afetadu sei hada'et virus refere ba Manu seluk liu husi feses nebe kontem virus refere.

Periodo Inkubasaun Moras AE liu husi kontak direita kleur liu durante 11 hari no kleur liu maka manu tolun (Embrio Telur).

• Sintoma           

 Virus refere baibain ataka ba animal manu ho idade semana ida to semana tolu, manu ne’ebé hetan ataka AE sei hetan paralisia. Sintoma ne’e it abele hare wainhira tolun nakfera, maibe geralmente ita hare semana dahuluk no datoluk.

 

•  Prevensaun

  Atu halo prevensaun ba moras ne’e bele halo vasinasaun AE. Doc ne’ebé hetan husi berçario (pembibitan) tenki mai husi inan ne’ebé mak iha imunidade suficiente ne’ebé bele fo protesaun ba moras ida ne’e.

• Tratamentu

Seidauk iha ai-moruk, ba animal manu ne’ebe sei moris bele fo hahan/alimentu ne’ebé balansu no kompostu husi vitamin no elektrolit.

•   DAFTAR PUSTAKA

Anonim 1998. Epidemic Tremor. Merck Veterinary Manual. National Publishing Inc. Philadelphia
Anonim 1997. Animal Hygiene Manual. Japan Livestock Technology Association, pp : 50-51