LUMBRIGA CESTODA

Cestoda iha ruminansia fahe ba grupo rua ne’ebe lahanesan, maka grupu ruminansia hanesan host definitivu ne’ebe eziste lumbriga adulto iha sistema digestivu (Moniezia) no host non-definitivu (Cysticercus, Coenurus, no Hydatid) iha tesidu. Lumbriga Cestoda ho forma naruk, mihis dorsoventral, iha segmentos, no laiha kavidade korporal no sistema digestivu. Nia naruk isin tuir nia tipo (Soulsby 1982, Levine 1990, Kusumamiharja 1995).

Maioria lumpriga klasse Cestoda iha nia siklu moris presiza host definitivu. Cestoda ne’ebe baibain, hetan no halo infeksaun maka tipu Moniezia. Lumbriga adulto iha intestino host sei husik nia segment gravid ne’ebe depois sai pasivamente ho animal nia foer. Segmento gravida iha foer sei espalla no halo kontaminasaun iha area pastagem. Se area hirak ne’e maka iha host non-definitivu ne’ebe adekuadu, hanesan tipu ácaros de solo (Oribatidae) no depois sei han segmendtus ne’ebe gravida lumbriga Cestoda nia tolun, hafoin lumbriga tolun ne’e sei desenvolve sai estadium larva (Cysticercoid) iha kavidade korporal. Host definitive sei hetan infeksaun bainhira han duut ne’ebe kontamina ona ho estadium cysticercoid (Anonim, 2008).

Moniezia sp.

Moniezia sp. Mos hanesan lumbriga fita iha familia Anoplocephalidae. espesies ne’ebe iha hanesan Moniezia benedeni no Moniezia expansa. Ne’ebe bele hetan iha intestino delgado animal ruminansia iha idade jovem (Gosling, 2005). Bele hetan mos iha bibi malae, bibi timor no animal seluk mos. Lumbriga M. benedeni ne’ebe boot liu kompara ho M. expansa (Taylor, 2007). Tolun ne’e ho diametro 75μm ba M. benedeni no 56-67μm M. expansa (Ballweber, 2001). Diferente tolun entre rua ne’e mos haree husi forma tolun. Retangular ba M. benedeni no triangulo M. expansa (Levine, 1990).

Bibliografia

Anonim. (2008). Life Cycle of Moniezia expansa. http://www. pathobio. sdu.edu.cn /sdjsc/ parasiteimages_lifecyle.html (1 september 2019).

Balweber, L. R. (2001). Veterinary Parasitology. United States of America: Butterworth-Heinemann.

Gosling, P. J. (2005). Dictionary of Parasitology. United States of America.: CRC Press.

Kusumamihardja S. (1995). Parasit dan Parasitosis pada Hewan Ternak dan Hewan Piaraan di Indonesia. Pusat Antar Universitas Bioteknologi IPB: Bogor.

Levine, N. (1990). Parasitologi Veteriner. (Diterjemahkan oleh G. Ashadi). Yogyakarta: Gajah Mada University Press.

Soulsby EFL. (1982). Helminths, Anthropods, and Protozoa of domesticated animals. Bailliere Tindall: London.

Taylor, M. C. (2007). Veterinary Parasitology. Navarra, Spain.: Blackwell publishing.